சேமிக்கப் பழகு ! கவிஞர் இரா .இரவி !
வரவுக்கு மேலே செலவுகள் செய்யாதே !
வாடி நின்று வருத்தம் கொள்ளாதே !
வருமானத்தில் ஒரு பகுதி சேமிக்கப் பழகு !
தன்மானத்துடன் என்றும் வாழப் பழகு !
எலும்பில்லா எறும்பு கூட சேமிக்கின்றது !
எலும்புள்ள மனிதன் சேமிக்காதது ஏனோ ?
எதிர்பாராத செலவுகள் வரும்போது !
எடுத்துச் செலவழிக்க உதவிடும் சேமிப்பு !
இன்றைய சேமிப்பு நாளைய பூரிப்பு !
இனிதே சேமித்தவர் இன்பமுடன் வாழ்வர் !
ஆடம்பரம் வேண்டாம் அறவே நிறுத்திடு !
அவசிய செலவுகள் மட்டுமே செய்திடு !
சிக்கனமாக இருந்தால் தினமும் சேமிக்கலாம்
மெத்தனமாக இருந்தால் துன்பமே மிஞ்சும் !
வருங்காலம் வளமாக சேமிக்கப் பழகு !
வருத்தமின்றி வாழ்ந்திட சேமிக்கப் பழகு !
No comments :
Post a Comment